حبايبى فاكرنى كارهك
وانا فى الاصل شاكى من كُرهك
كُرهك لواحد زرع قمحه واخدها حصد الذنب
كُرهك لواحد قال الزمن ده زمن الغلب
رضى بالحال ومفكرش فى الترحال
كُرهك لواحد قال لأ بصوت مسموع
ومفكرش يكتمها وقال ممنوع
عرف ان الحياه فيكى مبقتش شئ مشروع
وتصريح الحياه فيكى بقى طلوع الروح
قالولى ان انتى مظلومه
وزيك زينا مكتومه
وخيرك بقى للكدابين للؤمه
************
طلعتى انتى اللى مظلومه
طلعنا احنا اللى ظالمينك
مهو فعلا مين فينا من غير ذنب
كفايه ان مقلناش ال لأ
وقوله اااه اللى محبوسه
بين قلوع النفس
بقيتى متقسمه فى ايد الناس
ناس منهم يدو فى النطاعه دروس
يحكو ويتحاكو
وساعه الجد متلقيهمش
وناس منهم كسرو سن اقلامهم
واستنو لما الكلام ينزلهم من فوق
كانه وحى ربانى واتقالهم يقولوه
لو غلطو فى كلمه فى الحديد يشيلوه
وناس تانيه فاكراكى منعمه
على ريش نعام متنيمه
ميعرفوش ان القوى جبار
وان حلال فيهم بشوى النار
يدوم العز يا كبيرنا ولو بصيتلك ابقى حمار
وهابصلك على ايه ده كله جور ودمار
ده كفايه وقفتك بخزى وعار
قدام رب الخلايق
هاتشوف يوميها من اللى كان جبار
ادم - المصرى
ليست هناك تعليقات:
إرسال تعليق