بعت القضيه؟
اه بعتها!
بعت الدماغ ؟
اه بعتها!
ستفتها وزوقتها تيجى يمين تيجى شمال
انا بعتها!
بعت المظاهره بعت التظاهر
خلينى كده بقلب طاهر
مش جبن منى ده للاسف ضعف التفاخر
بعت القضيه؟
اه بعتها!
بعت الدماغ ؟
اه بعتها!
بعت اللى عامل نفسه مناضل
بعت اللى يهتف واللى على كتفه زميله
بعت اللى صانع واللى زارع
بعت القضيه؟
اه بعتها!
بعت الدماغ ؟
اه بعتها!
بعت النواصى الدفيانين
منا غيرى باع وامتلى كرشه السمين
وانا مخدتش غير حنين
بعت القضيه؟
اه بعتها!
بعت الدماغ ؟
اه بعتها!
بعت الكبد بعت القوانص
بعت الكلى و أجرتها
ببيع فى جسمى مهو ده اللى ناقص
مملكش غيره هاعمل ايه
بعت القضيه؟
اه بعتها!
بعت الدماغ ؟
اه بعتها!
بعت اللى واقف واللى اعد
بعت الصغير والكبير
بعت البلد بتوب حرير
بعت القضيه؟
اه بعتها!
بعت الدماغ ؟
اه بعتها!
بعت اللى راح واللى جاى
بعت العيال فى كل حى
بعت صبايا قلوبها نى
بعت القضيه؟
اه بعتها!
بعت الدماغ ؟
اه بعتها!
بعت الحروالفرهده اللى فى اغسطس
بعت المطر والتكتكة والعطس
بعت اللى ينزل من بيته مبدر
بعت المُخدر
بعت الشرود
بعت الندى بعت الورود
بعت اللى عازف عالوتر
بعت البوق بعت النايات
بعت الحاجات والمحتاجات
بعت الحان الكمان
اقول كمان؟
مسالتكش لو تشترى ؟
ابقى اوعدك لما افترى !
اصلى اللى باع باع من زمان
مبقاش فى مصر خير الضباع
هاتعيش غزاله هاتتفشخ
هاتعيش اسد عاش الملك
